Maxfiylik siyosati
Oxirgi yangilanish: 2026-yil 6-noyabr
Qanday ma'lumot saqlanadi
Telegram orqali kirganingizda Telegram bizga ismingiz, foydalanuvchi raqamingiz va (bo'lsa) profil rasmingizni beradi. Parol so'ralmaydi va saqlanmaydi.
iOS ilovada Apple orqali kirsangiz, Apple bizga o'zgarmas foydalanuvchi identifikatorini va faqat siz ruxsat bersangiz ismingizni beradi. Apple email manzilini (yashirin relay manzil bo'lishi ham mumkin) ham yuborishi mumkin — biz uni saqlamaymiz. Hisobingiz o'chirilganda Apple'dagi kirish ruxsatini bekor qilish uchun Apple shu maqsadda beradigan tokenni saqlaymiz.
O'yinlaringiz (yurishlar, natija, reyting o'zgarishi), kunlik jumboq natijalari, sevimlilar ro'yxati, izohlar, shikoyatlar va yordam so'rovlari hisobingizga bog'lab saqlanadi.
Nima ochiq ko'rinadi
Ismingiz, rasmingiz, «Men haqimda» matni, reytinglaringiz va o'yinlaringiz boshqa o'yinchilarga va saytga kirmagan mehmonlarga ko'rinadi.
Telegram foydalanuvchi nomingiz va raqamingiz hech kimga ko'rsatilmaydi. Kimni sevimlilarga qo'shganingiz va kimni bloklaganingiz faqat sizga ma'lum.
O'yin ichidagi suhbat
Onlayn o'yin ichidagi xabarlar faqat raqibingizga yetkaziladi va hech qayerda saqlanmaydi.
Shaxsiy xabarlar
«Xabarlar» bo'limidagi shaxsiy xabarlar (matn va o'yin takliflari) suhbatni davom ettirish uchun serverda 12 oy saqlanadi, keyin o'chiriladi. «Suhbatni o'chirish» uni faqat siz uchun yashiradi.
Suhbat ustidan shikoyat qilinsa, uning oxirgi 20 ta xabari tekshirish uchun Shashkam jamoasiga ko'rinadi. Jamoa boshqa suhbatlarni o'qimaydi.
Analitika
Ilovani yaxshilash uchun nimalardan foydalanilishini o'zimiz hisoblaymiz: qaysi sahifalar ochiladi, o'yinlar va jumboqlar soni, raqib qancha kutiladi. Uchinchi tomon xizmatlari ishlatilmaydi.
Buning uchun saytda va ilovada qurilmangizda tasodifiy identifikator yaratiladi va shu hodisalar bilan birga yuboriladi; kirganingizdan keyin u hisobingizga bog'lanadi. Bu qurilmaning reklama identifikatori emas, hech kimga berilmaydi, reklama yoki boshqa ilovalar bo'ylab kuzatish uchun ishlatilmaydi.
Suhbat va izohlar matni, Telegram raqamingiz va IP manzilingiz yozilmaydi. Nosozlik hisobotlari (crash) va diagnostika ma'lumotlari yig'ilmaydi. Analitika yozuvlari 13 oy saqlanadi, keyin o'chiriladi; jamoa faqat umumiy raqamlarni ko'radi.
Bot xabarlari
@ShashkamBot sizga kunlik jumboq eslatmalari va chaqiruvlar haqida yozishi mumkin. Ularni profil sozlamalarida yoki botni to'xtatib o'chirasiz.
Ma'lumotlar qancha saqlanadi
Hisob ma'lumotlari hisobingiz mavjud ekan saqlanadi. O'yinlar va reytinglar xizmat ishlayotgan ekan saqlanadi, chunki ular raqiblaringiz tarixining ham bir qismi. Izohlar siz yoki biz o'chirgunimizcha, yordam so'rovlari hisob o'chirilgunicha saqlanadi. Analitika yozuvlari — 13 oy.
Hisobni o'chirish
Ilovada: Profil → tishli g'ildirak belgisi → «Hisobni o'chirish». Hisob darhol o'chiriladi.
Ismingiz, rasmingiz, «Men haqimda», Telegram va Apple bog'lanishi, sessiyalar, sevimlilar, bloklar, chaqiruvlar, yordam so'rovlari va izohlaringiz matni o'chiriladi; analitika yozuvlari siz bilan bog'lanishini yo'qotadi. O'yinlaringiz raqiblaringiz tarixida ismsiz, «O'chirilgan o'yinchi» nomi bilan qoladi. Apple orqali kirgan bo'lsangiz, Apple'dan ilovaning kirish ruxsatini bekor qilishni ham so'raymiz.
Xohlasangiz, ilovadagi «Yordam» bo'limi yoki email orqali so'rov yuborishingiz ham mumkin.
Bolalar
Shashkam 13 yoshgacha bo'lgan bolalarga mo'ljallanmagan va biz ulardan ataylab ma'lumot yig'maymiz. 13 yoshgacha bo'lgan bola hisob ochgan deb hisoblasangiz, bizga yozing — hisobni o'chiramiz.
Bog'lanish
Savollar va maxfiylik bo'yicha so'rovlar: zekhn777@gmail.com yoki Telegram'da @ShashkamBot.